"CALL FOR PAPERS"
PETICIÓN DE COMUNICACIÓNS PARA O
XXV CONGRESO DA SEPLN
8-10 Setembro 2009
Palacio Miramar, Donostia - San Sebastián
http://ixa2.si.ehu.es/sepln2009/
PRESENTACIÓN
A XXV edición do Congreso Anual da Sociedade Española para o Procesamento da Linguaxe Natural (SEPLN) celebrarase en Donostia-San Sebastián os días 8, 9 e 10 de setembro de 2009 no Palacio Miramar.
Ademais prevese a organización de tres obradoiros-workshops satélites para esa mesma semana (ver lista de workshops).
A inxente cantidade de información dispoñible en formato dixital e nas distintas linguas que falamos fan imprescindible dispoñer de sistemas que permitan acceder a esa enorme biblioteca que é Internet dun xeito cada vez máis estruturado.
Neste mesmo escenario, hai un interese renovado pola solución dos problemas de accesibilidade á información e de mellora de explotación da mesma en contornos multilingües. Moitas das bases formais para abordar adecuadamente estas necesidades foron e seguen sendo establecidas no marco do procesamento da linguaxe natural e das súas múltiples vertentes:
Extracción e recuperación de información, Sistemas de procura de respostas, Tradución automática, Análise automática do contido textual, Resumo automático, Xeración textual, e Recoñecemento e síntese de voz.
O obxectivo principal do congreso é ofrecer un foro para presentar as últimas investigacións e desenvolvementos no ámbito de traballo do Procesamento da Linguaxe Natural (PLN) tanto á comunidade científica como ás empresas do sector. Tamén se pretende mostrar as posibilidades reais de aplicación e coñecer novos proxectos I+D neste campo.
Ademais, como en anteriores edicións, deséxase identificar as futuras directrices da investigación básica e das aplicacións previstas polos profesionais, co fin de contrastalas coas necesidades reais do mercado. Finalmente, o congreso pretende ser un marco propicio para introducir a outras persoas interesadas nesta área de coñecemento.
ÁREAS TEMÁTICAS
Anímase a grupos, investigadores e empresas a enviar comunicacións, resumos de proxectos ou demostracións no ámbito das tecnoloxías da lingua nalgunha das áreas temáticas seguintes:
- Modelos lingüísticos, matemáticos e psicolingüísticos da linguaxe.
- Lingüística con córpora.
- Desenvolvemento de recursos e ferramentas lingüísticas.
- Gramáticas e formalismos para a análise morfolóxica e sintáctica.
- Semántica, pragmática e discurso.
- Resolución da ambigüidade léxica.
- Aprendizaxe automática en PLN.
- Xeración textual monolingüe e multilingüe.
- Tradución automática.
- Recoñecemento e síntese de voz.
- Extracción e recuperación de información monolingüe e multilingüe.
- Sistemas de procura de respostas.
- Análise automática do contido textual.
- Resumo automático.
- PLN para a xeración de recursos educativos.
- PLN para linguas con recursos limitados.
- Aplicacións industriais do PLN.
ESTRUCTURA DO CONGRESO
A duración prevista do congreso será de tres días, con sesións dedicadas á presentación de relatorios, pósteres, proxectos de investigación en marcha e demostracións de aplicacións. Ademais prevemos a organización de tres obradoiros-workshops satélites para esa mesma semana.
ENVÍO DE TRABALLOS
As propostas de traballos (artigos, proxectos e demostracións) poderán ser enviadas ata a data límite do 24 de abril de 2009.
O envío e a revisión das propostas realizarase exclusivamente en formato electrónico PDF a través do sistema Myreview:
(http://www.sepln.org/myreview-congreso25/)
Aconséllase utilizar os modelos en LaTeX e en Word que figuran na Web do congreso: Latex, Word.
Ademais, segundo sexan artigos, demostracións ou proxectos, as propostas terán que adecuarse ás seguintes características:
ARTIGOS
Acéptanse artigos de carácter teórico ou experimental relacionados co campo do Procesamento da Linguaxe Natural.
As propostas conterán os seguintes apartados:
- O título do artigo.
- Os nomes dos autores, afiliacións, direccións postais e electrónicas (anónimo na proposta enviada).
- Un resumo bilingüe (inglés e español) dun máximo de 150 palabras cada un incluíndo un listado de temas relacionados ou palabras chave.
- O artigo poderá estar en español ou inglés. A súa lonxitude máxima será de 8 páxinas, sen contar as referencias, que poderán ocupar unha páxina adicional como máximo.
- Os documentos non poderán incluír cabeceiras nin pés de páxina.
Os artigos propostos serán examinados por tres revisores como mínimo e poderán ser aceptados para ser presentados como póster ou como presentación oral, dependendo das necesidades do programa. Na edición da revista SEPLN non haberá distinción entre artigos e pósteres.
PROXECTOS E DEMOSTRACIÓNS
Como en edicións anteriores, os organizadores animan aos participantes a presentar proxectos I+D e a realizar demostracións de sistemas ou ferramentas informáticas relacionadas co campo do PLN.
Para as presentacións de proxectos débese incluír a seguinte información:
- Título do proxecto.
- Nome, afiliación, dirección, e-mail e teléfono do director do proxecto.
- Patrocinadores.
- Grupos participantes no proxecto.
- Resumo cun máximo de dúas páxinas.
Nas propostas para demostracións, débese incluír a seguinte información:
- Título da demostración.
- Nome, afiliación, dirección, e-mail e teléfono dos autores.
- Resumo cun máximo de dúas páxinas.
- Estimación de tempo que dura a demostración do sistema.
DATAS IMPORTANTES
24-Abril-2009:Data límite para o envío de artigos, proxectos e demostracións. 1-Maio-2009:Data límite para o envío de artigos, proxectos e demostracións.5-Xuño-2009:Notificación de aceptación.22-Xuño-2009:Data límite para o envío da versión definitiva.15-Xullo-2009: Prazo para inscrición a prezo reducido. 07-Sept-2009: Obradoiros-workshops: WAC5, E-IR-LRL 8, 9 e 10 de Sept.: XXV Congreso SEPLN 10-Sept-2009 (tarde): Obradoiro-workshop: PAN
COMITÉ CIENTÍFICO Membros: INFORMACIÓN DE CONTACTO Toda a información sobre o congreso está dispoñible na páxina Web do XXV Congreso da SEPLN: http://ixa2.si.ehu.es/sepln2009/index.php E-mail da organización:
Este enderezo de correo-e está a ser protexido de robots spamers, precisas activar o JavaScript para velo