ETAk bere jarrera argitu beharko luke,
 segurtasun eta berme gehiago emanez,
 beregan sinesgarritasuna berreskuratzea nahi badu;
 ez dakit ezertarako balio duen guk ETAri zerbait eskatzeak.
 
Espainiako gobernuak urrats nabarmen bat eman behar du
 presoen egoera arintzeko, hobetzeko.
 Bere lege barruan egin dezakeena gutxienez.
 Nire ustez, lehen ere horrelako keinuren bat izan balitz,
 ez zen gertatuko gertatu zena.
 
Bakebidea oraindik posible dela esaten duten alderdi guztiek,
 horretarako ateren bat irekitzeko ahalbidea izan dezakeen edonorekin eta guztiekin hitz egin behar dute,
 gaia dagoen bezala dagoela ere.
 Baita beraien artean "sukalde lana" egin ere
 gero mahaia osatzeko.
 
Alderdiekiko menpekotasuna edo dependentziatik urrunduz,
 lehendik badiren eta sortzen diren gizarte mugimenduak bultzatu, elkartu eta indartuz,
 hauetan indarrak batzen ahalegindu;
 alderdiek beren burua estutu edo presionatua ikus dezaten
 eta benetan herriaren zerbitzuan ari daitezen,
 bere interes elektoralen aurretik edo gainetik.
 Alderdiek,
 beraien artean zatituta izateaz gainera
 herritarrak zatikatzen gaituzte.
 
Gure foro hau ere, nola edo hala, herrira zabaldu behar litzateke,
 bestela, "Herritarren Parte-hartzea" oso urria gertatuko litzateke;
 18.000 inguru bizi gara Tolosan
 eta 15 pertsonak parte-hartzea...
 
Alderdi kide nabarmen ezagunak direnei, eskatuko nieke,
 gizarte mugimenduen tartean ,eta gutxiago aurrean, ez daitezela agertu,
 eta giza mugimenduei utz ziezaietela
 beren lana lasai egiten, inongo presiorik gabe.