Clarin-k center IXA taldea
EU EN ES

Clarin K-centre taldearen helburuekin bat eginez, giza-zientzia eta zientzia sozialetako ikerketan lagungarri diren hizkuntza-teknologietako hainbat tresna, lan egiteko modu berri, baliabide, artikulu, bideo eta bestelako informazioa aurkituko dituzu webgune honetan. Ikergaldera eta corpusa izanez gero, hizkuntza-teknologiko tresnaren bat moldatu edota elkarlanean berria sortzeko aukera ere eskaintzen dizugu.
CLARIN-ERIC onartutako IXA-CLARIN-K CENTRE taldearen webgunea duzue honakoa. Zentru horrek eta webgunearen azpian dituzuen beste talde hauek osatzen dugu Spanish CLARIN K-Centre.
Horri buruzko informazio gehiagorako jo artikulu honetara:
"Núria Bel, Elena Gonzalez-Blanco, Mikel Iruskieta (2016). CLARIN Centro-K-Español . Procesamiento del Lenguaje Natural 57: 151-154"
Horrez gain, CLARIN Knowledge Centreri buruzko informazio gehiago hemen.

Testu analisi orokorra:

  • Hitzak eta letrak kontatu
  • Hitz eta lema desberdinak atera
  • Hitzak kategoriaka (estatistikak)
  • Izen bereziak eta bestelako entitateak

Laburpenak egiteko tresna:

Compress eu



  • Eskolako laburpenak jasotzeko tresna, diskurtso-egiturako informazioan oinarritua:
  • - Estrakziozko laburpenak
      - Abstrakziozko laburpenak
IXA

IXA taldea
(UPV/EHU, Donostia)

IXA Taldea diziplina arteko ikerketa-taldea da eta Euskal Herriko Unibertsitateko (UPV/EHU) bost departamentutako kideekin osaturik dago: Lengoaia eta Sistema Informatikoak, Konputagailuen Arkitektura eta Teknologia, Konputazio Zientzia eta Adimen Artifiziala, Euskal Hizkuntza eta Komunikazioa (Euskal Filologia) eta Hizkuntzaren eta Literaturaren Didaktika. Euskararen gaineko ikerketa aplikatua da gure xede nagusia, baina beste hizkuntzen inguruko ikerketa eta produktuen garapena ere sartzen dira gure eginkizunen artean. Talde honek 60 proiektu baino gehiagotan parte hartu du eta 20 tresna eta aplikazio sortu ditu. Tresna horiek hemen proba daitezke: http://ixa.eus.

UPF

UPF
(Bartzelona)

CLARIN IULA-UPF Konpetentzia Zentrua Hizkuntzaren Baliabide eta Teknologietan eta Analisi eta Datuen Erauzketan lantzen da. Zentru honek gaztelaniaz eta katalanez ari diren ikertzaileak laguntzen ditu.
HDLab@UPF ikerketa eta ikaskuntza egiteko tokia da, UPFko Gizarte Zientzietako Sailak sortua. HDLab@UPFren helburua da metodo digitalekin lan egitea Humanitateetan ikertzen dutenei laguntzeko. Informazio gehiagorako: http://clarin-es-lab.org/index-en.html


UNED

LINDH - UNED
(Madril)

Laboratorio de Innovación en Humanidades Digitales (LINDH) UNEDeko Humanitate Digitalen arloa ikertzen du. Laborategi horren helburua da gaztelania darabilten ikertzaile eta proiektuetan laguntzeko berrikuntza-, ikerkuntza-, aholkularitza- eta irakaskuntza-lanak egitea. LINDH laborategian testuak aberastu, web semantika, datubaseak eta edizio digitala nola egin aztertzen da. Informazio gehiagorako: http://linhd.uned.es.

TALGUVI

TALG taldea
(Vigo)

Vigoko Unibertsitateko TALG Taldea (Tecnologías y Aplicaciones de la Lengua Gallega) galizierazko baliabide digitalak sortu eta bultzatu nahi duen taldea da. Horrez gain, galizieraren itzulpena, ikerketa eta irakaskuntza bultzatu nahi ditu teknologia darabilen gaur egungo jendartean.

 

IXA taldea
M. Lardizabal Pasealekua 1
20080 Donostia
(Euskal Herria)

Email: ixa@ehu.eus
Website: ixa.eus



)